Bergsøy: – To viktige poeng i boks

Falk Horten kom på besøk i ein stallfull Herøyhall med kniven på strupen og måtte vinne søndagens kamp for å halde liv i draumen om 1. divisjon. Det skulle vise seg å verte vanskelig. Bergsøy var påskrudd frå start, og frå stillinga 3-1 til Falk Horten, vart det 3-3. Der i frå og ut hadde Bergsøy initiativet heile kampen og kunne sikre seg to poeng når klokka viste full tid og 28-24 favør Bergsøy!

Det var ein målfattig start på oppgjeret i Herøyhallen på søndag. To gode keeperar stengde kvar sitt mål med flotte redningar og godt forsvar framføre seg. Etter 15 spelte minutter var stillinga 7-4 og det såg ut som det kom til å bli ein forsvars- og keeperkamp mellom to heiltente lag.

Iført ein god Sigvart Kval kunne Bergsøy gå til pause med ei leiing med to mål på stillinga 11-9.

I 2. omgang fekk Bergsøy-publikumet sjå ein meir fartsfylt handballkamp. Eit godt Bergsøy-forsvar, i ført banens beste, Nicolay Nordli kunne Bergsøy øke leiinga til Falk Horten, som prøvde seg med 7 mot 6 utan å lukkast særlig med det.

Flotte kombinasjonar mellom bakrekka Markus Buchardt, Petter Eikrem og Christopher Ekmann gjorde livet surt for Falk Horten-forsvaret, og då Mikkel Hansen serverte Emil Raknes ei ferdigscora luft-pasning frå kant til kant, til stillinga 26-23 med eit minutt igjen – kunne alle i hallen juble for to nye poeng sikra!

Det siste minuttet stod Falk-laget høgt i bana for å presse Bergsøy til feil, som resulterte i at Buchardt sendte ein missil av ei pasning til Nordli som elegant skrudde ballen bak Falk-keeper Jonas Fyllingen, som fastsatte resultatet til 28-24 og jubel blant Bergsøy-gutta!

No står Bergsøy på ein sjuande plass på tabellen med 21 poeng etter 20 kampar spelt. Heile 11 poeng ned til nedrykkstreken og Falk Horten. For at Bergsøy skal rykke ned no må laget tape seks strake kampar og Falk Horten må vinne sine resterande fem kampar.

Neste kamp er allereie komande onsdag, då reiser herrane ned til Sandefjord og Jotun Arena for å spele mot opprykksjagande Sandefjord handball. Det ligg godt i minne førre gong laga møttes i Herøyhallen, då sjokkerte Bergsøy-herrane med å vinne 31-30. Kan det kome eit mirakel på onsdag igjen?

1. divisjon menn, Håndballsesongen 2024/2025

☆

Nr	Lag	K	V	U	T	Mål	P	LS
1	Sandefjord	21	17	0	4	699 – 569	34
2	Viking TIF	21	17	0	4	724 – 580	34
3	Melhus	21	15	1	5	650 – 569	31
4	Charlottenlund	20	15	0	5	647 – 580	30
5	Bodø	21	13	1	7	599 – 579	27	+
6	Åsane	21	12	0	9	653 – 630	24
7	Bergsøy	20	10	1	9	569 – 597	21
8	Ryger Stavanger	21	8	4	9	538 – 536	20
9	Tiller	21	9	1	11	606 – 594	19
10	Grenland Topphåndballklubb	21	9	1	11	588 – 606	19
11	Falk Horten	21	5	2	14	590 – 621	12
12	Ros	21	3	2	16	600 – 728	8
13	Storhamar	21	3	1	17	565 – 659	7
14	HK-72 Sande	21	3	0	18	557 – 737	6	–

Tusen takk til alle som møtte opp og støtta Bergsøy til siger!